Hea遊台灣: Day 3: 台北

早上在酒店食完早餐, 跟住去邊呢?

唔知架, 無計劃架, 講明hea加嗎.

早上未有街行, 於是便想到去中正紀念堂.

點解? 純為花時間, 同時地鐵直到唔使咁曬.

也好, 可以補一補中國歷史課.

行完中正紀念堂, 去了附近的南門市場: 這裡不是旅遊區, 只是一個尋常街市, 但一樣清潔企理有冷氣

有朋友話呢啲有咩好睇呀, 我地又唔係咁唸噃.

去旅行為咗睇咩先? 真係嗰啲廟呀教堂呀文化古蹟咩?

唔好扮嘢嘞: 睇下當地人點樣過生活, 就是最大樂趣!

我哋都非常enjoy喺南門市場, 仲買咗包烏魚子添!

本來想去附近的永康街, 但天氣太熱, 行多陣都中暑, 費事搵, 不去了, 改為去捷運直達的西門站.

去了西門, 第一件事去銀行換錢: 我哋深深體會到, 香港的工作效率真高, 一件換錢小事, 在台灣可以多多限制, 攪咗超過半小時.

換完錢, 去紅樓行吓. 正正有布袋戲展覽, 有些布袋戲木偶十分有創意.

未食飯, 去食阿宗麵線: 雖然要企響街食, 但依然好味!

抹抹咀, 又餓了, 行咗一陣, 見到一間日本料理老字號美觀園; 試下啦.

雖然唔講得上好好味, 但有著台灣特色. 麵豉湯是甜的, 味道不同日本傳統麵豉湯.

sashimi比一般厚幾倍, 同一般日本料理店唔同.

食食下街外落大雨, 於是我哋hea多陣, 雨停了才埋單.

雨勢減弱了, 我們便去化妝品連鎖店康是美買護膚品, 只花了港幣一千幾百, 已經被當作大客, 難道台灣人的消費力真的那麼差?

多得陳豪介紹, 我哋又去另一西門町老字號: 蜂大咖啡飲番杯.
呢度啲咖啡唔算好突出, 純粹到此一遊, 感受下氣氛啦.

飲完咖啡, 坐捷運去公館站, 事關阿蘭話呢喥有間老董牛肉麵分店, 我哋又要來 "朝聖", 食番碗冠軍牛肉麵, 買番十包八包牛肉乾.

所謂冠軍牛肉麵, 就是老董兩年前奪得台北牛肉麵大賽冠軍嗰碗麵, 上次食過, 一試難忘!

點知嚟到公館, 呢度不單無冠軍牛肉麵, 而且無牛肉乾!!! 真係好失望!!!

只有求其點咗碗普通紅燒牛肉麵, 都要NT$140, 唔平架.

不過公館站一帶, 其實值得一來. 這裡是國立台灣大學的所在地, 所以有好多食店, 潮舖, 夜市做學生生意. 可惜落雨, 今次我哋只可以省覽.

食完牛肉麵唔飽, 於是又喺街邊食臭豆腐飲珍珠奶茶. 隔幾條街都聞到o既臭豆腐食落口又唔算臭喎! LEE 種臭豆腐同香港 o既臭豆腐極為相似, 記得好幾年前嚟台灣根本冇見過這款炸臭豆腐, 連臭豆腐都香港化?! 我還是喜歡聞落唔臭, 食落好臭o既炭燒臭豆腐, 你究竟去咗邊呢?

夜了, 又落雨, 返酒店啦.