中山漫遊: Day 2: 離去

早上睡到十點, 才起身食早餐.
如果再瞓晏一些, 就早餐都無得食.



十二點退房, 之後去酒店花園睇錦鯉.
用了些時間搵巴士, killing time.



參觀了香山商業博物館: 這是一間講述百多年來中山商業成就的博物館. 中山的確出了好多叻人.


之後去當地最大西餅連鎖店: 采蝶軒買餅, 才20元已買了很多.
坐1號巴士去中山港. 架車好逼, 但好彩好快有位坐, 巴士班次也好密.
三點鐘就到中山港, 比預期早, 仲有兩個半鐘, 打機食嘢打發時間.

回港在尖沙咀鋸扒, 香港太好了, 樣樣都好啲.

中山漫遊: Day 1: 到埗

在尖沙咀中港城搭十點船, 十一點半到中山, 有酒店職員接船. 打點一切, 入住富華酒店, 貪佢方便. 十二點幾出酒店房.

步行街就在酒店外面: 大陸的步行街都如出一徹: 民初式的唐樓, 過大的音響, 老翻, 劣質食物, 乞丐.

就似上下九, 王府井, 南京路.......好悶.

無咩嘢行, 幾乎一粒鐘走得.

行上山上的中山公園, 有個明代建的高塔, 算是中山的地標.

四點才食lunch: 找不到旅遊書介紹的石歧佬, 去了一間稍似樣的食店 "巴蜀人家": 令人失望的乳鴿, 任何一家香港燒味舖也好過佢; 担担麵不入味; 做得像樣的還是哪碟川菜孜然排骨.

無嘢做, 行去中山吉之島, 無疑日本人的包裝永遠勝一籌. 中山吉之島竟有鱷魚肉賣: 一條無頭的鱷魚陳列著: 有趣但帶恐怖, 香港未見過.

之後去食燉奶: 太甜.

去大陸, 永遠發覺香港太好.

無嘢做很早返酒店.