日本海紅葉之旅 Day 7: 歸家

天未光就起身, 坐成田特急去機場

凌晨時分, 還有很多青年在街頭流連: 新宿就是這樣.

去到機場, 還有時間shopping, 機場內更是免稅的, 仲平過喺街買: 早知唔使咁早買啦.

ANA 的飛機餐不錯, 仲有香檳飲: 輕鬆愉快地回到香港.

日本海紅葉之旅 Day 6: 東京: 六本木 + 自由之丘

早上在酒店瞓到十點, 施施然去附近吉野家食碗牛肉飯才去玩.

東京去過很多次了, 大部份熱門的地方都去過. 今次再訪, 去較為冷門的六本木和自由之丘.

六本木是個標榜有品味的地方. 我們的目的地, 是六本木的東京國立新美術館.

這間美術館由七十幾歲的日本設計師黑川紀章設計; 波浪紋的設計, 在陽光下感覺特別.

到訪的時候, 正進行奧匈帝國藏品展. 日本人的好奇心令香港人汗顏, 看似無知的一般婦孺, 都對藏品很有興趣. 奧匈帝國的瑪麗公主在十八世紀嫁給法王路易十六, 她的奢華生活觸發法國大革命. 日本漫畫家池田理代子把這段歷史製作成漫畫 "凡爾賽玫瑰" (原名：ベルサイユのばら), 後來寶塚歌劇團更製作成歌舞劇, 所以日本人對這段歷史很有興趣.

國立美術館另一朝聖之地, 乃是館內的米芝蓮星級法國餐廳 Brasserie Paul Bocuse Le Musée. 我們叫了set lunch: 醬汁雞脾扒和法式鴨胸.

老實說, 餐廳座位不算舒適, 有些擠逼, 食物也不覺特別.

何必仰慕名牌: 其實香港很多餐廳, 做得很不錯了.

食完去六本木山走一轉, 黃昏就去自由之丘逛街.

自由之丘是一個仿歐式風格的購物區, 但規模不大, 很快就行完.

晚上經過涉谷, 又去買了些手信, 再回到新宿吃炸豬扒飯和馬肉剌身: 好味! 何需米芝蓮?

日本海紅葉之旅 Day 2: 輕井澤

早上到達羽田機場, 在東京車站買了火車證, 10000 yen.



差不多整個日本都在下雨: 由東京到輕井澤, 由輕井澤到新潟
輕井澤下雨又大風, 加上位於高原, 冷死了....



我們來得真的有些不合時
由於下雨又冷, 很多較遠的景色沒法去欣賞, 只有在outlet一帶走走


高昂的日圓匯價, 真打擊消費欲, 齋行無買嘢
吃的選擇也不多: 一碟普通的咖哩飯, 也要1400yen, 已經120港元.



之後坐新幹線到新潟, 途中經過高崎, 還可以消費一下



今日有點累, 隨時都可以睡著
5:00pm 就天黑了. 晚上到了新潟東橫 inn, 就在火車站旁邊





在火車站的壽司店, 買外賣回酒店吃

日本東北之旅: Day 8: 歸來

約朝早六點四十五分離開酒店, 坐地鉄到橫濱轉早上7:30 limosine.


在機場還要購物, 買了清酒, 朱古力.
難得回來的效率很快.


約下午四時回到家.
香港還不足30度, 比東京橫濱還要清涼.

日本東北之旅: Day 7: 橫濱

今天是購物日.
去了橫濱站附近, 單是一間sogo也行了半天.

在橫濱sogo買手帕可以繡名, 非常便宜.
迪士尼也大減價.

吃鉄板燒, 非常有趣.

下半天去未來21一帶, 大風到好似打風, 在紅磚倉庫買了很多傘, 還有其他雜貨.

遇上超級市場大減價, 出前一丁仲平過香港.

攞咗太多嘢, 辛苦到發火.
晚上還要買藥, 於是差不多十點才吃DINNER, 大部份餐廳都關了門, 只有再食吉野家.

日本東北之旅: Day 6: 鎌倉

今日真係一波幾折.
早上坐新幹線, 竟完全無位, 從盛岡至大宮要坐走廊坐兩個幾鐘.
去到東京站又要搵locker, 之後去咗食壽司.


去到鐮倉, 去咗鶴崗八幡宮同前面條購物町, 買咗好多食物. 再去睇鐮倉大佛, 但太晚了, 入唔到去大佛入面, 更加去唔到湘南海岸.


都無所謂啦, 最弊係折返東京, JR唔比我坐新幹線去新橫濱, 結果要坐倒頭車返橫濱再轉車去新橫濱, 更衰的是一個鐘頭只有一班車, 白白花了兩個鐘, 到酒店時已差不多十點.
十點才出去食晚飯, 很多都關門了, 只有吃吉野家.

日本東北之旅: Day 2: 東京

早上去了築地市場吃壽司,但已十一點幾, 有很多店已關門. 價錢比起香港, 並不算貴.之後再去有點像教堂的築地本願寺.

再坐都営地鉄去靖國神社. 神社有很多侵華的雕刻.

坐JR去澀谷, 也留得不久. 就行去明治神宮.

行完明治神宮, 就到了原宿, 買了很多東西.

日本東北之旅: Day 1: 新宿

8點幾到機場, 國泰的counter竟要排長龍, 記住你地收得最貴, 但卻沒有好服務.


在機場食早餐, 卻發覺麥當勞已經不在, 只有吃昂貴的burger king.


在飛機上看粗俗的鄭中基電影, 得啖笑.


到成田機場買火車証: 任用三日東北火車証, 10000yen, 抵.

再用3500yen買narita express加一張ic卡, 都抵.

隨即就坐narita express(機場特急)到新宿.


酒店在大久保,開頭轉車有些麻煩, 但終解決.


住在飛鳥酒店, 還算ok.


晚上時間不多, 只去了夜新宿.

歌舞伎町有很多鴨店, 明買明賣.



晚上只在附近吉野家吃晚飯.