2009年5月22日 星期五

漁港風情~布袋澳

人生第一次踏足o既地方-布袋澳,今次我哋12位親密戰友結伴同遊,一放工就踩盡油門嚟到布袋澳,沿途經過清水灣,有人話見到吳彥祖喺條斜路喥跑步,我就睇唔到喇! 因為我o既視線一直都被一個人吸引著,佢就係我尊敬o既前輩^.~ 佢講o既嘢真係好動聽。哈哈:D



一去到目的地就見到美麗o既景緻,當我仲喺喥瘋狂地呼吸緊新鮮空氣o既時候,有個男人同我講,好快落大雨,叫我快D去酒家,於是,我哋就急急腳向住酒家o既方向跑,個男人真係冇騙我,我哋一路跑,雨雲就好似跟住我哋咁!! 雖然有點狼狽,但成班人一齊跑真係好開心:)



沿途見到一間廟宇。




開餐喇! 戰友一早訂咗位,就係這間~海鮮島。










這餐可以用四個字去形容- 美酒佳餚。Yummy:P




各人都食得飽飽,於是喺離開布袋澳前,我哋到酒家對開o既碼頭散步。入夜風特別大,我哋吹住海風喺碼頭傾吓計,講吓笑,感覺好溫馨浪漫:)


Mm.... 布袋澳,你令我留下一個快樂o既回憶,希望有機會再到訪啦!! 咔咔!