日本海紅葉之旅 Day 1: 出發

坐凌晨一點飛機到日本東京, 晚上十一點前就到機場.

ANA, 飛羽田機場.

在機上沒有好好睡: 後排有個日本人咳呀咳,也沒有口罩, 倍令人心驚.

坪洲--我不是荒島

坪洲這個地方，我差不多每一年都會嚟一趟，朋友話自出娘胎都未曾踏足此地，亦有朋友問我，坪洲? 係咪荒島嚟架? 咁今次就去行吓囉！雖然，話就話每年都會去一次坪洲，但我對這個地方並不太熟識，因為每次嚟都係來去衝衝，每次都只會行同一條路，對於這熟識的名字，陌生的地方，還是做一點功課才出發會比較安全，哈哈!!




所謂做功課，其實都只不過係check 吓船期，睇吓坪洲有咩食有咩玩，又或者有咩睇，上網搵咗好耐資料並唔多，而且有點舊，冇法啦! 去到先算！我哋坐1430的船，我去到碼頭時間尚早，朋友還未到，於是我周圍影吓相。

一抵步，友人話好肚餓，於是去到位於永安街的祺森冰室。這間冰室因為一個電視節目而聲名大噪，就連佢搵個位都難！

我哋點了兩個下午茶，味道也不錯吖！價錢亦很合理:D

不過，這個馳名蝦多士，真係好難食，很多人因為睇咗個電視節目千里迢迢嚟到坪洲食LEE 喥o既蝦多士，搞到這間冰室訂立規條兩人只准叫一客蝦多士，不是嘛? 真的全港最好味的蝦多士嗎? 這個很難說服我罷！相信大家口味不同，各有所愛啦!

食完下午茶，友人見到這個宿舍變電站笑咗好耐，佢問我
宿舍點可以變電站?? 嘩哈哈XD

坪洲街道沒有汔車行駛，居民都係以單車代步。

坪洲戲院，相信已經荒廢咗好耐。



離開永安街，我哋向東灣方向行，沿途見到一啲房屋，門口停泊的不是車輛，而是一艘艘o既艇。

悅龍聖苑(龍母廟)係坪洲的歷史文物之一。我哋喺喥停留咗一陣，發現這裡有好多貓......喵~

悅龍聖苑對開就係東灣，坪洲有兩個沙灘，另一個叫南灣，今次我哋只去了這個不適合游泳的東灣，雖然沙灘並不美，但走到海邊吹吹風，感覺很不錯，而且在遠處傳來陣陣的BBQ味，真係好香呀! 我哋跟住香味，嚟到燒烤場，發現這裡環境不錯呀！下次都要約朋友嚟BBQ先:P

離開東灣向山頂村方向行，途經一間細細的廟宇，廟宇旁生長著這兩棵大樹，它們生長在不同的地方，卻在這個交匯點相遇，這兩棵樹令我有聯想到一對情侶在凝望著對方似的，朋友聽罷說很可怕，於是急急腳離開。

經過福音堂，走過民居，向大中國火柴廠舊址方向走......

大中國火柴廠建於1939年，曾經係全亞洲最大的火柴廠，不過因為打火機的普及於1976年正式榮休喇! 除了火柴工業，坪洲都住咗好多漁民，雖然, 火柴廠已經變了荒地，但它對開的海面還停泊咗好幾艘漁船，還有居民在附近晒緊墨魚干。

在天后廟旁找到這塊"清禁封船碑"。

黃昏時候，有小朋友在酒吧門外追逐，好可愛呀! 仲有一些小販檔在街頭擺買萬聖節飾物。

坪洲的巿政大廈，出名係海鮮新鮮，諗住嚟行吓，點知只有這間還未關門。

這個碼頭有街渡來回愉景灣同坪洲，價錢只須$5.5。

離開碼頭，我到永安街走走，兩旁都係小店子同食肆，我就喺喥訂咗間快車茶餐廳食晚飯，朋友就喺喥買咗一磚蝦膏，總算有手信啦! :)

入夜了，食肆都會將枱抬出露天的地方。

為了找永興街的超記瓷器店，我哋喺坪洲繞了一園，幸好! 俾我哋見到一個奇境，我哋喺路邊見到幾十隻流浪貓，望真D原來有個女人帶咗d貓糧俾佢哋開餐，個女人問我，知唔知點解會有咁多流浪貓，我問為何? 佢話lee 喥d人唔幫d貓做絶育手術，所以先有咁多流浪貓咋！本來, 想影多幾張幾十隻貓聚餐的相，不過，d貓似乎好驚人，所以我都係唔打擾牠們食飯喇!! 都係去搵返嗰間超記瓷器店，好彩:) 最終都俾我搵到，雖然關了門，但下次就可以再到訪，這間店子可以自己親手繪瓷器，需時2.5小時，費用都不過$120，本來，今日想同友人去玩吓，不過佢就冇咩興趣，唔緊要啦! 下次再試！

終於食晚飯喇！好彩我訂位時訂埋餸(籠仔蝦糯米飯，花雕蟹蒸旦)，原來lee 喥唔訂海鮮係冇得立即order架! 哈哈! 隔離枱的食客望位我哋都唔知幾羨慕:P, 味道的確唔錯，下次可以再嚟。

食飽飽，我哋就坐2115船返香港喇! 坪洲... 下次見喇!

西貢一日遊

今日約了朋友經鑽石山入西貢: 因為知道台灣有名的老董牛肉麵來香港荷里活廣場擺檔, 希望有緣再一試有名的冠軍牛肉麵, 豈料要在商場消費滿300元才有得食, 無緣再試, 真是可惜!

於是從鑽石山地鐵站坐92號($5.8)入西貢市中心, 真是好運, 原本還有雷暴警告, 豈料風和日麗, 真是好運!
隨便去了一間 "鳴苑" 海鮮酒家食晏, 食物不算突出, 但酒樓氣氛有一種難以言諭的鄉土味, 表現在點心的簡樸無華, 裝修的實用節儉, 服務員的樂觀健談: 那是一種氣氛, 文字很難表達.

食完晏, 在西貢市街閒逛, 有很多鄉村建築, 可以說已成為古蹟: 荒廢了的公立學校, 訴說昨日農民子弟念卜卜齋的故事: 萬宜灣鄉校變成了文娛中心, 事關萬宜灣早淹沒成為水塘.......

天后廟記載著昔日西貢漁民勤儉純樸的歷史, 古雅的教堂, 隱約還聽到, 上世紀初, 傳教士領著村民唱聖詩........

西貢海旁一帶, 有很多漁民在小艇上販賣海鮮, 聽說有些海鮮其實是大陸漁民駛來叫賣的, 但氣氛也很熱閙,

碼頭一帶有很多小艇去附近島嶼, 主要由兩間公司經營, 船頭有紅旗的是華記, 藍旗是馬記. 我們坐華記的船到附近的橋咀洲.

揸船的阿姐, 聲如洪中, 但性格爽直, 市區已難搵到這種性格: 我們只是普通搭客, 她都可以一見如故, 滔滔不絕.

"我話你知呀, 我舊年跌落水差啲死過翻生呀...."
"我靠呢架船搵食架, 我個女要交成二萬幾銀學費架......."
見到呢啲純樸無掩飾的鄉下人性格, 就像看見珍稀的瀕臨絕種動物.

橋咀洲是西貢海域上星散的其中一個小島: 這令我想起日本仙台的松島海岸: 其實西貢的景色, 怎會比松島的景色差呢, 只是香港政府不懂包裝宣傳, 真是可惜呀.

橋咀島上有原始的石灘和沙灘, 不算水清沙幼, 但有很多人帶狗來玩水, 又有小朋友來檢拾近岸的小鮑魚(仲細過手指甲).

暢遊了半個下晝, 坐船返西貢市中心, 在對面海村閒逛一會, 這裡休閒寛廣的環境, 每日看著海岸玩著小狗, 真令我們這等城市俗人欣羨不已, 但要放棄市中心的便利, 又覺難以取捨, 真是兩難....

行完對面海村, 晚上吃海鮮餐, 蒸海蝦, 白菜仔, 蟹湯, 扇貝粉絲.........飽飽, 兩個人也不過食咗二百幾.

坐西貢特快小巴(21元), 30分鐘左右已到銅鑼灣: 今日真happy!