日韓汽船之旅: DAY 5: 神戶, 京都

早上五點幾, 晨光下回到神戶, 放低行李到LOCKER, 就坐電神去新長田.

為的是什麼呢? 為了橫山光輝的作品展: 電車和車站都貼滿了三國志漫畫的人物, 街道上搵普通人扮演三國人物的POSTER, 又騎呢又攪笑. 最重點要看的是: 實物原大的鉄人28!!! 銀芽!! 銀芽!!

之後去食早餐: 時間太早, 選擇不多, 去了間街坊COFFEE SHOP, 食完去了神戶中央市場逛逛, 無甚可觀, 於是坐電車去京都.

京都今天是祇園祭, 滿街都是人. 我們到京都, 為了去租套浴衣行街襯熱鬧. 哪間叫夢館的和服店, 生意多到唔停手, 有些混亂. 我們遇上一對台灣男女, 大家寒暄了幾句.

著住浴衣在街上行, 有些拘束, 哪對木屐行起來有些不便, 要我著成日真係好辛苦, 玩了幾小時就算了.

京都人多到食肆全都是人, 幾經辛苦才在donut店找到位食下嘢.

五點幾回到神戶, 轉無人駕駛列車到六甲島, 準備坐接駁巴士去碼頭坐船落九州, 點知在巴士站比蚊狂針幾十嘢, 慘~

我們坐的是阪九汽船, 船上設施應有盡有, 但可能因為正在減價, 人很多, 有點嘈吵.

晚上在船上吃晚飯, 吃了二千幾yen, 白飯任裝, 麵豉湯任添, 不怕不飽.

日韓汽船之旅: DAY 2: 黑潮市場

早上吃過簡單的早餐, 就出發到和歌山黑潮市場. 和歌山市站前有簡單的朝市, 雖然只得幾個檔口仔, 但日本人勝在認真交足戲, 有幾個日本仔著晒戲服扮武士. 我們買了個桃和啫哩, 就坐巴士到黑潮市場.

黑潮市場比起其他城市的市場, 有較濃的旅遊味, 專做遊客生意, 所以價格不算便宜, 有劏魚show睇. 我們食咗個吞拿魚剌身, 也不錯. 市場旁邊是仿地中海的主題樂園, 但十足珠三角的主題公園, 無甚可觀.

大雨真大大打亂我們的行程: 想去海灘去不到, 去和歌山城又落雨, 於是去JR站一帶行下公司, 行咗好耐雨都唔停, 於是決定早些攞行李離開和歌山.

點知更麻煩的是, 去到車站, 看到告示說一段鉄路被大雨沖毀, 要中途下車改坐接駁巴士. 哎.....

唔通個天都唔鐘意我?

也許老天提醒我們唔使煩躁, 正苦惱之際, 在車站買罐汽水, 竟有HAPPY字樣, 突然醒覺: 小事啫, 有咩好煩呢.

坐阪急去到神戶的中心: 三宮站, 已是晚上2030. 求其搵間餐廳食咗碟炒飯, 不甚好, 侍應服務也不佳. 後來才發覺, 車站附近有好多好嘢食, 只是我們不發覺.

晚上2330, 坐車站附近的接駁巴士到神戶碼頭, 坐深夜船去四國, 車費200yen.

船費1475yen, 節省了住宿費, 實在太抵. 等船的時候, 唔知點解有個日本妹有些敵意的看著我們, 真令人莫名其妙. 我們也不甘示弱啤番佢.

船上設備齊全, 但獨欠女性浴室. 無所謂啦, 四小時船程, 連睡覺都不夠, 也顧不得其他.

日韓汽船之旅: DAY 1: 和歌山富士酒店

下午12:35, 乘坐大韓航空, 經首爾往日本, 在仁川機場稍作停留, 仁川機場dutyfree正大減價, 即場派10美元的coupon. 很多日本人勁掃貨, 互相展示戰利品. 我們的旅程才第一日, 不想就攞住一大推手信上路, 結果忍手什麼也不買.

在機上看了半套歲月神偷, 吃著難吃的冷飯飛機餐, 晚上九點幾到達日本關西機場, 正下傾盆大雨, 隨即坐南海電鉄到和歌山市. 今年首次訪日, 竟連自動售票機也變得不熟習. 約一小時車程到了和歌山市, 好在雨停了. 很快找到入住的和歌山富士第一酒店, 不用5000 yen一晚, 抵住.

才晚上十點幾, 和歌山晚上鮮有行人, 街燈又少, 店舖大都關門. 睡一晚, 明天開始旅程吧.

關西之旅: Day 5: 回去

朝早唔夠七點落去食早餐, 竟然無位.
比班korean霸晒啲位.
明明係公眾地方, 喺度霸嚟霸去, 真係討厭.



十點鐘開機, 接近九點先到機場, 又有繁複的檢查程序, 好在時間啱啱好.
要分開坐, 無所謂, 但我唔係好鐘意坐中間.



日航的暖氣好勁, 令人俺俺欲睡.


飛機餐麻麻.