原本準備今晚去阿里山, 點知因為水災無法上山, 於是襯有時間立即打電話去台北book酒店, 今晚改去台北.
都唔平, 普通三星級酒店, 收二千六百幾台幣, 足夠在高雄住五星級酒店.
也好, 眼見玻璃窗外突然風雲色變, 下起大雨, 我哋可以喺室內嘆杯茶, 上吓網, 慢慢等停雨.
雨停了, 隨便到外面一間鮪魚專門店吃壽司, 味道也不錯啊!
食完又再去街尾的香腸專門店吃台式香腸, NT$100(約港幣25元)三條.
台式香腸都幾特別, 我食緊, 黑色嗰條是墨魚香腸, 招牌上的是飛魚卵香腸, 腸肉內有一粒一粒魚卵好得意.
食飽就周街無目的亂行, 街上有一些藝術品, 就去影相留念.
影完相, 有咩做呀?
無聊到行高雄宜家傢俬, 家樂福超級市場, 周街影吓啲單車呀, 街景呀, 去剪髮呀..........睇下高雄的大千色相.
喂, 呢啲嘢香港無咩, 使鬼去高雄呀?
係又點啫, 我鐘意呀! hoo hoo hoo~
隨意而行, 這, 就叫做悠閒.
打發了一個下午, 晚上七時坐高鐵去台北, 車程兩小時, NT$965(約HK$240)
試吓食車站便當, 有雞脾有豬扒, 夠足料, NT$80 (約HK$20), 抵食!!
晚上九點幾到達忠孝新生站附近的凱統大飯店.
收得貴, 主要因為地點方便, 其實間房又唔係太差, 起碼有張按摩椅.
但係花洒漏水, 上網網速又慢, 不過算啦, 舒舒服服瞓過覺罷.
發表文章
沒有留言:
張貼留言