日韓汽船之旅: DAY 5: 神戶, 京都

早上五點幾, 晨光下回到神戶, 放低行李到LOCKER, 就坐電神去新長田.

為的是什麼呢? 為了橫山光輝的作品展: 電車和車站都貼滿了三國志漫畫的人物, 街道上搵普通人扮演三國人物的POSTER, 又騎呢又攪笑. 最重點要看的是: 實物原大的鉄人28!!! 銀芽!! 銀芽!!

之後去食早餐: 時間太早, 選擇不多, 去了間街坊COFFEE SHOP, 食完去了神戶中央市場逛逛, 無甚可觀, 於是坐電車去京都.

京都今天是祇園祭, 滿街都是人. 我們到京都, 為了去租套浴衣行街襯熱鬧. 哪間叫夢館的和服店, 生意多到唔停手, 有些混亂. 我們遇上一對台灣男女, 大家寒暄了幾句.

著住浴衣在街上行, 有些拘束, 哪對木屐行起來有些不便, 要我著成日真係好辛苦, 玩了幾小時就算了.

京都人多到食肆全都是人, 幾經辛苦才在donut店找到位食下嘢.

五點幾回到神戶, 轉無人駕駛列車到六甲島, 準備坐接駁巴士去碼頭坐船落九州, 點知在巴士站比蚊狂針幾十嘢, 慘~

我們坐的是阪九汽船, 船上設施應有盡有, 但可能因為正在減價, 人很多, 有點嘈吵.

晚上在船上吃晚飯, 吃了二千幾yen, 白飯任裝, 麵豉湯任添, 不怕不飽.

日韓汽船之旅: DAY 4: 金刀比羅宮

SUPERHOTEL的早餐不錯. 吃過早餐, 買了個琴平電鉄ONEDAY PASS (1200YEN), 向琴平進發, 目的地是四國第一名剎: 金刀比羅宮.

金刀比羅宮在金刀比羅山上, 要行三百幾級石級才到, 但兩旁有很多有趣的店舖, 還有一間攪笑的烏冬學校, 辛苦啲都抵. 山上有一間資生堂的CAFE, 名叫"神椿", 甜品好味道, 環境好舒適.

落山後的另一個目的地, 是祖谷溫泉. 豈料我們低估了時間, 坐了超過三個鐘頭車去到大步危站, 已經太晚了, 最後一班巴士已經開出, 只有在車站一帶影下相, 又要坐三四個鐘頭車返高松, 一日的時間, 金錢就此白花了.

在高松車站附近吃了個讚歧烏冬, 回到酒店梳洗一下, 就坐車去接駁車站, 準備坐深夜船返神戶.

日韓汽船之旅: DAY 3: 岡山, 倉敷

一早起身, 在甲板上欣賞瀨戶內海的景色, 清晨五點幾就到達四國高松市, 坐免費接駁車到高松市區, 在車站放低行李, 又再去碼頭坐宇高國道汽船去岡山. 船程一小時, 350 yen 真便宜.

船上設施都很齊全, 一小時絕不難過. 很快到了岡山宇野港, 碼頭旁邊就是往岡山市區的巴士站: 豈知車程頗長, 足足兩小時才到岡山JR站.

我們對岡山有名的後樂園和岡山城不感興趣, 在岡山站附近行咗個頹街市, 食了個豬扒飯就坐JR離開岡山, 去倉敷遊覽.

倉敷勝在易行, 所有景點都集中在車站一帶的美觀地區, 保留了明治時代的建築物和運河, 可說是日本的周庄.

參觀完倉敷, 是時候回去四國了: 坐JR去宇野港, 果然比巴士快好多.

船回到高松, 坐琴平電鉄到市中心瓦町, 很快找到入住的SUPERHOTEL, 安頓好就出街食碗海鮮飯, 500YEN, 抵食. 才晚上八時, 街上的店舖卻大部份關門了, 於是去超市買些食物, 就回去酒店覺覺豬.