瀨戶內海海陸空之旅: Day 5: 四國的小城松山

早上五時, 汽船到達四國松山市.

旅遊書說會有巴士接載我們, 然而我們卻看不見有, 於是只有徒步到最就近的高濱火車站, 好在只是行了十分鐘就到. 我們乘坐全日首班火車, 早上六點幾已到達松山站. 時間還早, 店舖也未開, 可以周圍閒逛一下, 然而附近有一個神經漢, 還是早點走.



松山的主要交通工具是電車仔. 我們立即上咗部電車仔, 買咗張一日乘車証, 300YEN, 真係抵搭.

在道後溫泉落車, 啲舖頭都未開門, 於是在便利店食個牛奶咖哩杯麵. 咖哩味掩蓋了牛奶味, 感覺普通.


食完之後, 去道後溫泉前面個免費足湯浸腳. 足湯前面是一個機械鐘, 每小時都會有機械公仔出來表演.


行咗一陣, 終於入去道後溫泉浸浴, 最低消費400yen. 道後溫泉是日本的國寶溫泉, 天皇都嚟浸過. 明治年代的日本大文豪夏目漱石曾經在松山教英文, 寫過本小說叫 "坊っちゃん"(少爺), 講關於道後溫泉; 因此這裡都以夏目漱石來做賣點.

依家咁早, 來浸的多是老人家. 當她們知道我不是日本人, 都表現得像有些害怕.

浸完之後, 喝過松山的蜜柑果汁, 幾好. 坐電車仔去松山的市中心: 大街道. 旅遊書說這裡的物價平好多, 但我地又唔係好覺.

行到大街道的盡頭, 原來是高島屋百貨公司. 在百貨公司的八樓, 有得坐摩天輪, 500yen一卡, 真係好抵, 我地梗係要試, 盡覽松山全景, 冷氣也很夠.



今日頹頹地, 在高島屋買些魚蛋, 炸物, 壽司就當一餐.





今日時間很多, 玩完摩天輪, 再坐電車仔去松山城. 登山纜車來回1000yen. 日本的城個個差不多, 可觀就唔係好可觀, 但位於全城高點, 上到山可一覽松山景色, 只是實在好曬.


欣賞完松山城, 我們坐個人登山吊椅落山. 所謂登山吊椅, 只是一條軌道吊著一張膠椅, 全無安全設備, 真係幾驚險, 一向怕背黑鍋的香港, 一定不容許這種設備.




時間太多了, 天氣又熱, 我們於是利用一日乘車劵, 周圍遊電車河; 仲坐電車去松山有名的一六タルト蛋糕總店, 試吃有名的一六タルト蛋糕. 這種蛋糕外貌像卷蛋, 中間配以紅豆蓉. 試吃過後, 蛋糕都算鬆軟, 但也沒什麼特別, 香港很多西餅店都做到這種質素.



松山有名的少爺 (坊っちゃん)列車, 是日本最早的輕便鐵路, 我們最終沒有搭過, 事關無冷氣, 都係睇下好嘞.


晚上也很頹, 只是在吉野家食鰻魚飯.



食完飯乘伊予鐵路轉接駁巴士返松山港, 那裡有地域限定的鬼太郎扭蛋. 在松山的整天, 沒有見到香港人, 晚上2155, 由松山港坐通宵船返回小倉.