去到時, 東方航空的櫃位已有幾個日本人在等, 但等咗好耐, 仍不見有職員埋位工作, 到有職員來, 又懶洋洋的, 終攪到班日本人發脾氣: 上海是國際城市? 還先要改善工作態度呢.
約十一時起飛, 一時十分左右就到達福岡機場. 出機場不久, 已在輸送帶拿到行李, 工作效率真係好高呀!
由機場坐一程免費接駁巴士就可到福岡空港地鐵站, 再坐三個站, 約五分鐘就到衹園站, 6號出口一出就是衹園東橫INN, 抵步後才下午兩點還未到CHECK IN時間, 我們寄存了行李, 就坐100日圓巴士去天神. 途中塞車, 原來道路有一半用作衹園山笠祭的遊行綵排, 見到大批男性市民有老有嫩均穿上丁字褲打出大半屁股抬著神像經過, 真是大開眼界.
到達天神, 走入有名的天神地下街, 行咗幾個小時. 在天神吃到非常好吃的法式燉蛋, 加入了栗子, 才210日圓, 真是吃完再想回頭再吃.
再到天神的大丸百貨, 正在減價中, 買了很多手巾仔, 每條也不過315日圓.
晚上大丸的超級市場準備收爐, 剌身半價發售, 我們買了一包有海胆又有幾種不同魚的雜錦剌身, 不用2000日圓, 豈料不到數分鐘就吃光了.
於是再到街上的屋台再吃, 隨便點了一個明太子炒蛋, 一個豬肉飯, 也別有風味.
回程時行錯路, 浪費了腳骨力, 但總算十點前回到旅館.
發表文章
沒有留言:
張貼留言