早上在酒店食完早餐, 坐捷運一個站到忠孝敦化, 為的是買馳名台港澳的洪師父牛肉乾. 上次來台灣一試, 好吃到無話可說.
洪師父的門市部, 就在捷運站的地下街內. 我們去到的時候, 還是早上十點幾, 未正式開舖, 只有個店員在打掃準備, 我們等咗一陣, 見佢還在打掃, 就道明來意想買牛肉乾. 那個店員於是問我們:
"想買幾多包, 三包是不是?"
我們答道 "十八包"
那個店員好像被驚嚇到口都震埋: "十.......十八包!?"
我們答: "對啊!" 他才似驚魂稍定地入去開箱攞十八包牛肉乾給我們, 每包承惠NT$200
買完牛肉乾, 坐車去台北車站, 買了12:40pm的車票. 但仲有個幾鐘頭, 於是在台北車站的地下街行吓. 點知發覺, 台北車站的地下街可以一直連接到中山站, 再連接到雙連站!
那有什麼關係呢?
事關雙連站有另一間牛肉乾/牛肉麵名店: 老董的分店! 我們又可完成我們的冠軍牛肉麵之夢~!
一出雙連站, 就見到老董的分店, 問清楚店員, 有冠軍牛肉麵, 於是我們一坐低, 就即叫一碗冠軍牛肉麵. 點知另一位店員不好意思地說:"對不起, 冠軍牛肉麵在十二點之後才有....."
唓! 又是白行! 真是太失望了, 我們又不可為了吃一碗麵, 冒上不到車之險, 只有再一次敗興而歸. 也好, 起碼終於可以買到六包老董牛肉乾. NT$500三包.
失意於牛肉麵, 但卻另有所得. 老董旁邊是一個街市, 有好多台灣小食, 我們買了碗海鮮焿, NT$50大大碗, 再買一盒大大件巨型壽司(NT$120), 上車食得又飽又開心!
飲飲食食傾住計坐高鐵HEA返高雄, 真真不錯, I like it.
2: 18pm, 又返到高雄了. 坐捷運回到金典酒店, 今次住58樓.
打點一切之後, 我們又去玩了. 我們坐地鐵去到西子灣站, 再行到附近的鼓山渡輪碼頭, 坐10分鐘小輪, 就到了高雄有名的旗津島.(船費NT$15)
旗津是一個吃海鮮, 踩單車, 吹海風的郊遊地點, 類似香港的長洲, 但係我都係鐘意長洲多啲.
出了旗津碼頭向前行去, 是很多小食攤擋, 海鮮店和天后宮. 原以為這裡有很多賣烏魚子的店舖, 結果發現數量不多, 只有一兩間.
一路向前行, 是旗津海水浴場: 但浪又大, 垃圾又多, 根本無法遊泳.
根據旅遊資料, 行多十五分鐘, 就可以到另一名勝: 旗津風車公園.
點知我們行咗超過一小時, 才行到風車公園, 旅遊資料嚴重不準確!!! 怪不得成條街無咩人行路, 都是坐車和踩單車啦!
風車公園其實是一個很小的公園, 有幾台風車而已. 最好看的, 其實是轟隆隆好似海嘯一樣的巨浪.
天都黑了, 唔通仲行個幾鐘頭出番去咩. 隨手叫了的士出番去天后宮附近, 車費NT$120
根據網友的介紹, 我們去了一間海忠寶飯店食海鮮, 叫了炸白飯魚, 沙茶醬炒蟹, 蒸田螺, 白飯任裝, 都唔使200蚊港幣.
食完未夠飽, 仲要去街邊整多串燒魷魚添.
晚上坐船再坐捷運返到酒店, 舒舒服服上吓網睇下電視傾下計, 窗外夜景好靚呢!
發表文章
沒有留言:
張貼留言