Hea遊台灣: Day 8: 歸家

麥當奴就在酒店旁邊, 早上行過去食早餐, 好近.

墾丁的早上都好熱. 有隻狗入嚟嘆冷氣, 真搞笑.

在麥記食完早餐, 仲有好多時間, 反正食得唔飽, 去KFC再食過.

接近十一點, 是時候離開墾丁了. 在門口隨手截停了往高雄的長途巴士, 車費不用港幣100元, 沿途可以再欣賞下墾丁的海岸.

到達高雄時, 只是下午一點幾, 太早了.

坐地鐵去到機場, 兩點都未到, 機場附近又無咩食, 唯有食包熊仔糖頂肚餓.

5:40 PM 的飛機, 3:40PM 先有得check in. check in 咗, 唔使問, 梗係入去貴賓室大吃大喝, HEA吓, 上吓網啦

吃過晚餐, 又回到香港了! 今次旅程真HEA! 真好玩!

Hea遊台灣: Day 7: 墾丁

早上八點零鐘, 唔使閙鐘都醒了, 事關又地震!

點解說 "又" 呢, 因為去年住同一間酒店, 同樣係早上瞓緊覺, 都係地震! 點解會咁啱嘅呢!?

醒咗, 於是食早餐, 跟住坐長途車去墾丁. 啲車密到一去就有車.

坐咗兩個零鐘頭, 在墾丁街一落車, 就見到我們預訂的大尖山飯店, 果然好方便!



上到房, 環境不錯, 仲有個露台仔, 酒店旁是美麗的大尖山草原. 唯一可惜是房內上唔到網.





安頓好後第一件事, 就係搵嘢食. 我地在墾丁街隨便搵一間海鮮飯店, 叫咗三個餸: 蜆湯, 蒸海魚, 炒青椒, 普普通通啦



在墾丁街行一陣, 雖然有好多有趣舖頭, 但不太熱鬧, 我們也知道晚上才是最熱閙的時候.



食飽咗返酒店, 放低不用帶的財物, 換上泳衣, 過條馬路, 就係墾丁其中一個海灘: 大灣.



墾丁有三個主要海灘: 大灣, 小灣和南灣, 南灣是最熱鬧的一個, 大灣是最少人的一個, 稍嫌欠缺一些假日氣氛

無所謂啦, 我地都在這裡玩水玩得好開心. 有台灣人帶隻狗來玩, 見到連隻狗都玩得好開心.
玩到咁上下, 都黃昏了, 我們返房沖下身, 又可以行夜市.

酒店的門口, 就是夜市的起點. 我們沿著墾丁街一路行到盡頭: 就是熱鬧的小灣. 那裡有一塊怎看也不似青蛙的青蛙石.



去夜市, 梗係食啦. 我地食完串燒, 又食燒雞翼, 燒雞扒, 炭燒豬肉, 再食甜品芒果冰, 遇上落大雨都不理, 照食炸鮮奶, 再啪多支淡過水嘅墾丁鮮奶.







食完返酒店準備休息: 但太近夜市就有呢個問題: 我們在酒店露台可以清楚見到夜市燈火通明: 十一二點都未關, 於是受唔住誘惑, 落去再買多兜臭豆腐.



飲吓食吓游吓水, 人生真開心呢~

Hea遊台灣: Day 6: 三鳳中街

今天要搬酒店了: 金典酒店咁舒服, 當然唔捨得走, 但係只book咗三日, 於是hea到朝早十一點幾先走.

回到舊年住過的舜鈺商務旅館, 好處是交通方便, 上網網速又快, 包早餐. 兩百蚊港幣左右一晚, 真係超值.

一如前幾日, 今日去邊, 無計劃架.

首先要去食飯: 坐捷運去美麗島站, 大站嚟噃, 唸住點都有啲嘢食掛, 點知真係咩嘢都無得食, 只有周圍影吓相.

行到附近的六合夜市, 點知日頭真係差不多停止所有經濟活動: 我們對高雄, 又明白多一些.
行吓行吓, 咦! 前面咪我地間酒店! 原來我地間酒店咁近六合夜市架!

也好, 酒店附近起碼有快餐連鎖店. 快餐連鎖店在高雄的優勝之處, 是冷氣一定夠, 坐得夠舒服.

本來我地去mos burger, 點知汽水機壞咗: 漢堡包無汽水, 總覺欠缺什麼, 只有走啦. 結果去咗KFC, 食大大桶雞, 大大支汽水, 而且對面是繁忙的高雄車站, 一邊吃一邊看車站周邊人來人往, 享受悠閒, 煞是有趣.

時間過得真快, 食完雞都成四點. 我地慢慢行去附近的三鳳中街.

三鳳中街是高雄的海味街: 由高雄車站一直行去, 有很多大榕樹.

聽講, 呢喥係辦年貨的好地方, 賣的都係一D常見的乾貨, 對偶爾都行吓海味舖的我嚟講, 這裡吸引力不大, 加上也買不到我想買的烏魚子:P

再行一段路, 到了愛河河畔, 就是高雄家樂福的分店. 行超級市場, 永遠是我們的樂趣, 加上, 家樂福有很多海綿寶寶精品: 在這裡, 我再買了些鳳梨酥, 茶葉, 鹵蛋, 文具等等.

行番酒店放低啲嘢, 我們晚上就去就近的六合夜市食嘢: 其實, 去完台南花園夜市, 六合夜市變得不大吸引, 而且價格較貴.

我買了一包印度拉茶, NT$35, 只見那小夥子裝模作樣拉來拉去做一輪動作, 好似好勁咁, 就完成了, 點知我一飲, 根本是普通珍珠奶茶貨色, 而且又細包又無珍珠, 咁我何必用雙倍價錢飲包咁嘅嘢呢? 最唔低就係一路飲一路俾朋友取笑我:P 都係愛玉抵飲.

再在附近的茶莊買了兩罐阿里山茶葉, NT$500.

來了台灣幾次, 都未食過台南擔仔麵: 今次真係要品嚐一下. 細細碗, 有隻蝦, 不算人間珍味, 但叫做地方特色. 再在餐牌上點了個叫 "大陸妹" 的菜, 完來是唐生菜.

臨走食個雪糕, 點知一路食一路溶, 溶到成手都係, 哈哈~

好容易又一日, 人生就是如此~