志雲飯局@上海: Day 3

今朝喺酒店食咗個早餐, 味道如何都冇咩所謂喇! 有D嘢落肚就算囉!

上海的機場頂有一支支柱狀物體，總令人有點不安。

返香港真係好開心，藍天白雲，不過，原來係暴風雨的前夕。

這次旅程雖然發生了一點意外, 但令我明白到去旅行最重要唔係去邊喥玩, 而係同你喜歡o既人一齊, 一齊抽離一吓現實, 盡情吃喝玩樂, 希望我哋會有更多更多o既回憶啦!! 阿白, 感謝你與我為伴。 期待與你, 阿美, 阿淇一齊再去旅行:D

志雲飯局@上海: Day 2

今日係一個考驗EQ的日子, 亦係我同阿白友誼的大考驗!!

因為, 今朝的突發事件，因為, 上海地鐵故障等等...... 我哋差點在上海抓狂, 慶幸的是, 我哋沒有互相埋怨, 但心裡頭, 還是有點自責.

雖然, 行程需要更改, 心裡有點不舒服, 但冷靜下來, 又不覺得什麼大不了! OK! Come On, Let go!

左搞右搞, 我哋一點東西都未吃過, 聽陳生講徐匯區係上海人o既蒲點, 好啦! 去蒲吓先~ 應該會有好嘢食:P

徐匯區的港匯廣場: 上海最大的商場, 睇嚟睇去都係一堆連鎖店, 成個場人流都唔算多, 不過, 勝在冷氣充足.

喺港匯廣場行咗兩個圈, 左揀右揀都唔知食咩好, 最後選咗一間台式餐廳 "一茶一坐".

吃了一頓台式午餐，先不用說味道如何，價錢比香港還要貴$.$

食飽後, 我哋去咗靜安寺區, 呢區係因為靜安寺而得名, 不過, 入寺要收費, 我同阿白喺門口影咗幾張相就走lu~

之後, 我哋就到寺旁o既久光百貨閒逛, 呢間百貨公司, 感覺好似SOGO, 既然係咁, 就去參觀吓佢個超巿, 買完飲品之後, 我哋就離開.

我哋漫無目的咁喺條街上閒遊, 行吓行吓行到位於常德路o既常德公寓(即係以前的愛登公寓), 呢喥係作家張愛玲o既故居, 聽說她同姑姑喺喥住咗超過十年.

縱然, 門外貼上"閒人免進"字樣, 但亦有不少張愛玲迷到訪, 令呢喥o既居民帶來極大o既騷擾. 聽說張愛玲很喜歡到樓下的咖啡店閒坐, 亦係她創作的小天地. 雖然, 咖啡店已經不存在, 但常德公寓樓下的書店應該可以滿足吓眾fans :)

腦海內, 還想著張愛玲創作時的模樣, 阿白提醒我, 係食晚飯o既時候喇! 行嚟行去, 又行返去雲南南路.

歷史悠久的洪長興, 吃清真菜的地方, 呢喥裝修幾有氣派, 收費也不貴, 就連洗手間亦都什有特色, 而且潔淨.

上海的夜景, 下次再到訪, 會唔會有大改變呢?

南京步行街o既夜境很不錯啊!

返酒店前, 買D甜品返去先! 喺香港要排隊先可以買到的日式甜品，喺上海既唔需要排隊，而且仲可以買到特價品，所以我一口氣吃了兩個，好甜喔！

好搞笑的店名：ＣＬＩＯ　ＣＯＤＤＬＥ

就是這樣, 由難過開始這一天, 從歡笑中結束這一天:)

志雲飯局@上海:Day 1

嘩! 好開心呀, 終於放假喇! 又可以起行咯:D


陪伴我由香港飛往上海o既, 除了阿白就係o靚模......做頭條o既報紙:)

磁浮列車跑得真快啊!只須十分鐘我哋就由浦東機場去到龍陽路站.

然後再轉地鐵到人民廣場站, 今次我哋同樣住喺位於南京步行街o既上海鐵道賓館, 哈! 雖然上次話佢濕氣特重, 今次境況依舊, 不過一句講晒, 地點十分方便!

由落機到返酒店這段路程我哋都已經汗流浹背, 立即放低行李, 沖沖身, 出去走走, 因為好肚餓呀! 雲南南路o既新疆羊肉串, 我嚟喇! YAHOOO~

由步行街去雲南南路o既途中, 俾我發現新嘢喎! [巧克力世界]，未入去已經聞到陣陣o既朱古力香味，好吸引喔！

估唔到入到去都有驚喜噃, 地下主要售賣朱古力同飲品, 1樓有間CAFE同一間精品店，喺度可以買到可愛o既公仔, 不過 ...... 我哋入咗間精品店一段時間都冇見過售貨員. 但最奇怪o既係, 呢喥只有上o既扶手電梯, 要走o既話, 請你坐升降機, 但如果, 呢度發生火警, 咁點算呢?

算啦! 都係去食嘢先:)

終於去到雲南南路lu~, 只可以講句: 境物全非!! 在街尾擺放o既新疆羊肉串檔口已經消失於雲南南路, 曾經為我哋送上美味o既羊肉串師父及新疆少年去咗邊呢? 我唔清楚, 惜日o既氣氛已不再, 慶幸的是, 喺我腦海中o既雲南南路曾經熱鬧過:)

依家o既雲南南路兩旁都係一些上海老字號的食店, 整整齊齊的, 換了新裝修, 感覺潔淨了!

因為太想吃羊肉串, 我哋最後都去咗一間吃新疆菜o既店子.

吃飽了! 返回南京步行街逛逛, 經過七重天賓館，彷彿聽到裡面傳來一陣陣的歌聲～夜上海　夜上海...

依?! 南京步行街, 你還是一副舊模樣.

經過售賣世博紀念品的店舖, 入去行咗一個圈, 空手而回.

我哋向著外灘方向一直行, 沿途見到好多建築物都正在翻新, 點知..... 去到外灘發現整個外灘被封了!!! OK! 我哋明白o既, 你係為咗世博而改變吖嘛!

我哋接受咗世界不斷在變, 天氣亦都一樣, 越來越熱喇! 我哋已經全身大汗, 而且行咗咁耐都有點渴, 諗住去間餐廳飲吓嘢啦! 真係想搵間舒服而冷氣充足o既餐廳都唔易架! 搵嚟搵去, 我哋又返嚟南京步行街, 去到麥記發現, 依?! 冷氣都OK喎! 咁咪坐低囉, 點知, 出事喇! 阿白走咗去買汽水, 買咗好耐, 我見佢同D麥記姐姐搞咗好耐都未返嚟, 我都心知不妙, 佢返嚟竟然同我講: "呢喥D汽水冇汽..... "吓?! 唔係化? 汽水冇汽算係汽水嗎? 唉! 真係唔明, 部汽水機壞咗可以唔賣汽水啫, 點解佢哋仲要繼續賣?

飲完嘢, 行吓行吓又行到返酒店, 好啦! 返去沖吓個身D汗再出去啦! 因為今晚還有約會:)

嘩! 南京步行街幾時都咁多人.

今次嚟上海順道可以同阿白o既朋友陳志雲先生食飯, 陳生選了位於蒲東正大廣場o既-小南國晚膳, 呢喥環境都唔錯, 可以飽覽浦西o既舊建築群; 食物也不錯, 而且價錢亦好合理. 這餐由陳生作主, 雖然有點不好意思, 但仍然十分感謝你熱情o既款待, 謝謝你!
除此之外陳生仲介紹咗個上海姑娘俾我哋認識. 她為我哋點咗一些上海o既菜餚, 唔該晒呀! 阿敏:>

晚飯後我哋到浦東o既海旁走走, 晚上o既天氣清風送爽, 將整日的悶熱都吹走了. 爽呀!

行咗一陣, 都要返酒店去好好休息了:)