午餐的約會~懷舊篇

蓮香居? 究竟同蓮香樓有冇關係呢? 真係唔清楚，不過，友人話想試吓，咁就嚟嘆吓茶啦！

入口處有個賣唐餅o既櫃檯，係舊式茶樓o既特色，而蓮蓉更是蓮香最出名o既甜點，所以亦引來一些食客駐足。

蓮香居主打懷舊風格，食客都要撘枱。一坐低，友人就點了兩盅普洱。真係冇諗過，原來用茶盅嚟斟茶都有一定o既難度，茶盅盛載住熱辣辣o既茶，友人一不小心就燙親隻玉手，經過一輪練習後，友人終於找到斟茶o既竅門，雖然，我哋搞到成枱都濕晒，但都幾有趣吖:)

我哋點咗幾款點心，但不得不提這款豬肚燒賣，友人話這款懷舊點心，喺其他茶樓已經好難找到，又係喎！這款點心，我真係聽到未聽過，初次品嚐，感覺係好特別，一大塊豬肚，另加一舊豬肉丸，這就是【豬肚燒賣】，哈哈！

店內o既樓面拿著金色o既大水煲為客人送上滾水﹔此外仲有推車o既阿姐為我哋送上點心。

到咗埋單o既時候，友人話今餐佢請客，咁我當然唔客氣啦！哈哈！多謝晒:D

喺佢埋單o既時候，我周圍影相，被一個侍應發現，佢熱情地話要幫我拍照，咁好啦！

LEE 張笑得咁尷尬o既相就係個侍應幫我影架喇！真係唔該晒！