初三行運旅遊團--蛇口

北方俗諺有云「三六九，往外走」趁大年初三係公眾假期，我連同親友出去行吓，希望虎年行好運啦!

在攝氏6度的天氣兼且有D雨既日子向蛇口出發，都咪話唔爽！本來我哋約咗早上10點喺深圳灣口岸集合，結果，延至12點幾:P 喺香港過海關既時候，其中一位團友張智能身份證既晶片生鏽，結果要去返傳統櫃檯，我問D關員咁張身份證可以點處理，佢話用膠擦擦吓佢就得，真的嗎? 真係要試吓先知LU~

一抵埗我哋就坐B602巴士到海上世界，每人只需RMB$1

行咗一陣D細路話肚餓，咁就喺海上世界旁既NO.51 私房菜館食晏。

菜館內的陳設唔錯，空間亦好寬敞，不過，食物質素只是普通。

食完晏我哋喺海上世界閒逛，友人話想畫張人像素描，說實吧! 真係唔多似，但RMB$30咪當玩吓囉！之後，我哋去咗星巴克食下午茶，飲杯咖啡取暖 :)

食完下午茶，係時候離開海上世界。我哋坐巴士去咗書城(車費@RMB$1) 睇吓書，望吓畫具，好快就消磨咗整個下午。

離開書城下一站我哋又坐巴士到去到花园城中心，今次路途比較遠，但車費都只需RMB$1，實在太低!! 花园城中心內的店舖其實都只係一D連鎖店，我哋喺喥行咗陣，見到商場內有頂紅花橋，就不停拍照，玩咗好耐先肯離開:)

行完花园城中心我哋就去咗隔離間沃尔瑪行吓買吓嘢。

距離花园城中心只有8分鐘路程有間毛家飯店，飯店內都放滿毛澤東的相片，銅像。

我哋一坐下服務員就同我哋講，最有名既菜都賣完喇！真係俾佢嚇親，再望一望周圍，每一張枱都坐滿人，相信lee間舖一定有d水準，既然係咁，就俾個機會佢囉！

菜譜好似雜誌咁，印製得幾精美架！除咗服務態度有點差之外，Lee 喥D食物都唔錯既:)

食完晚飯回家去LU~