九龍篇~再見牛頭角下邨

其實，我對牛頭角下邨的感情並唔深，小時候有個親戚喺度住，所以每年新年都要嚟一次，最深刻的一次就係發生在新年，當日係年初一，我自以為著到好靚咁出街，點知，去到牛頭角下邨樓下的大排檔，因為地面積水的關係，我就成個人跣咗落地，哈哈！我就係一個咁唔小心的人。

聽聞牛頭角下邨將會喺2009年清拆，為咗喺它消失之前留下多一點印象，所以喺這個3月我跟不同的朋友到訪。慶幸的是，我沒有跣親啊! 哈哈! :D

大排檔的廚房，設於邨內的走廊位置。

大排檔的美食

街頭美食

各種不同的店舖

LEE學校，將會搬去邊呢??

九龍篇~尖沙咀香港歷史博物館2009

今次係我第一次去香港歷史博物館，為的是"法國大革命"這個主題，不過，最重要都係這個地方朋友們均一致讚好！

館內展示了法國的工藝，服裝，當然唔少得法國大革命的展品。

哈哈！被斬首的滋味....., Mm.... 最緊張都係走上斷頭台的一段路，當斬首的一刻，真係快到來不及反應呀！

去到香港歷史博物館擺放咗好多展品，有D曾經擁有，有D第一次見，一路行，一路想起嫲嫲講o既事，佢的經歷係一段歷史，而我呢?? 亦都見證咗香港一些好重要的歷史。

果然冇介紹錯！結果，我哋行到博物館關門o既一刻先離開，行到有點累，同友人食完晚飯到尖沙咀碼頭走走，香港o既夜景真係迷人，好喜歡香港。

深圳中西美食半天遊

難得一天假期, 乃與友人到深圳共享美食.

都說深圳治安有問題, 坐地鐵到大劇院站, 一落車, 就見到幾個扒手旁若無人, 急步緊貼一個背囊少女, 企圖割袋. 正當此時, 一個地鐵保安員上前, 叫班扒手唔好搞嘢, 幾個扒手乃倖倖然鳥獸散. 成件事, 我們旁觀者都見得一清二楚, 觸目驚心, 而那個背囊少女竟完全不知!

為什麼這些扒手可以繼續搵食, 不受法律制裁? 比較起來, 香港真是太好了.

事不關己, 姑且不理. 出閘到 ”深圳IFC” 萬象城, 為的是一訪深圳有名的超豪飯店: 王子國宴飯店.

飯店的氣派果然與別不同, 劇院般大的面積和樓底, 串金尺土的香港實在難以比較. 大堂前有大螢幕, 然而卻只是放映一些過時乏味卡通片.

我們剛坐下, 叫了一壺玫瑰花茶, 用玻璃壼沖泡, 有侍應不時留心沖泡情況幫我們隔隔茶渣之類. 也不便宜, 15元一位, 但眼見當地人都只是沖普通茶壺的普洱香片之類, 也許我們叫了昂貴不實際的花茶吧. 算了, 也還負擔得起.

隨即點了幾碟點心:
燒鵝塔塔粉(12元, 類似燒鵝瀨), 鴨略肥, 水準還可以.

流汁沙皇包(12元), 不很流沙, 但對大陸我們總會要求低一些.
榴蓬酥(12元), 勝在創新香港少有, 香榴槤味加上酥皮, 不錯不錯.

王子蝦餃皇(18元), 啲蝦都好大隻.
手撕雞芋絲餅(9元), 又平又好食, 煎得香脆可口.

黑松露燒賣(18元), 其實同普通燒賣無甚分別, 只是多幾粒好似灰塵一樣的黑松露, 就收貴咁多, 但完全吃不出那些黑松露有咩咁巴閉.

腸粉拚盤(16元), 由各兩條三種不同口味的腸粉組成: 點解香港無人咁做嘅?

百零蚊人仔, 大陸勝在唔收小費, 算香港中等收費, 但以佢個堂皇環境, 都物有所值嘅.

食完行咗一陣商場, 坐地鐵去購物公園站行COCO PARK. 商場環境唔算突出, 行咗一陣已到下午茶時間又餓過, 又開始搵嘢食. COCO PARK附近有很多西式餅店, 看來環境不錯.

我們今朝吃了粵式飲茶, 下午有意來個西式下午茶: 正當苦無主意, 唔知幫襯邊間, 突然發現有間西式餐廳, 有個鬼佬自在地嘆茶, 基於祟洋心理, 我地決定一試.

呢間西式餐廳, 一個下午茶要四五十蚊, 所以無甚本地人幫襯. 也好, 勝在靜局, 西化的裝潢, 又放滿紅酒(其實有啲得個空樽), 原來內地都懂得扮晒西式品味. 但收費分分鐘貴過香港, 我們總覺唔抵, 但既然來了, 就不要計較.

隨便點了個香橙鴨胸, 一個炸魚薯條, 哎吔, 唔錯噃, 勝過好多香港食肆.

侍應年青有禮懂得基本英語對答, 價錢又比西方相對便宜, 地方清靜舒適, 完全唔覺身在深圳, 仲以為身在倫敦嘆緊afternoon tea, 加上我一身蘇格蘭格仔嘅造型, 簡直配合得天衣無縫! 唔怪得個鬼佬坐咗好耐都唔肯走.

我們香港自以為得到英國佬真傳, 原來內地經營西式餐廳都可以HANDLE 得好好. 我地再唔好夜郎自大喇.

今日中西兩餐, 都很滿意. 臨走逛JUSCO, 買了好多一蚊包涼果. 香港賣到好貴的午後之紅茶, CC LEMON, 大陸有廠生產, 只是幾蚊支, 當然唔會錯過. 深圳JUSCO收一蚊膠袋稅, 以鼓勵自備購物袋, 比香港行得更快.

要返香港了: 深圳只是一個新奇的地方, 怎能代替我們的家呢!?