2009年4月17日 星期五

九龍篇~太子巡遊

今日友人約我去太子,為的是街頭料理,唔知大家有冇聽過魚旦歌呢?? 魚旦 魚旦 時常令你令你令你令你口渴吧 就像愛上你濃烈刺激一樣鹹 極具性格 而無奈未可當正餐 唔該 魚旦 從來趙你趙你趙你趙你就像快餐 但是愛上你 餘味永不會驅散.........

去到花園街一定要幫襯LEE 間舖食生茶魚肉,好味呀!!

炸大腸,一試就愛上呀!

臭豆腐,聞吓都快樂呀!

魚旦令我愛上街頭料理:)
可愛o既雪糕車,Mm... 諗起都想食返杯香滑o既甜筒:P


嘩! 花園街好熱鬧呀!


花園街內有各式各樣o既店舖,好多嘢睇喔^o^


哈哈! 俾我哋遇到花園街馳名勁辣魚旦減價喎,緊係要食返串啦!

又遇上$3/串小食,太吸引喇!

食到有D 口渴,可以同附近o既水菓店買個即開椰皇,唉~~ 好清甜呀!!

魚肉燒賣,魷魚加上美味的辣汁,嘩!~ 辣得好過隠!

由台灣引入o既麵線,還不錯吖,可惜唔夠熱,仲唔俾影相tim。

2009年4月5日 星期日

兩傻闖德國: Day 3: 柏林東區







我們計劃再分兩天遊柏林, 今天遊柏林東部, 明天遊柏林西部






勃蘭登堡門是必遊之地. 早上我們坐地鐵到來, 風很大, 但無礙興緻.

2009年4月4日 星期六

兩傻闖德國: Day 2: 柏林足球賽

坐了十幾個鐘頭飛機, 到達法蘭克福機場. 由於時差的關係, 現在還是早上八點幾.

未到德國之前, 我當然聽過, 德國是一個偉大的國家. 但老實講, 到達德國這一刻,德國海關人員的態度, 真是令人不敢恭維. 欠缺笑容的關員, 似對我們這兩個中國人, 怎會手持英國BNO護照, 有所懷疑. 關員簡單地問我來德國做什麼, 我說來旅遊, 就數了幾個會到訪的城市, 以表示我們對德國是有認識的. 於是, 不算有很大困難, 就過了關. 但老實說, 關員帶傲慢的態度, 我們有少許被歧視感覺.

當然出發之前我也聽過德國人傲慢冷漠的一面, 所以面對此情此境, 也見怪不怪.

歐洲對於我們, 真是有些陌生. 一出機場, 真有不知如何是好之感. 唔識坐火車, 唔識方向......好在我地總算去得旅行多, 識得冷靜應對. 終於我們找到機場的火車站, 然後為我們的火車證蓋印啟用. 我們買的是兩星期內任用四日的火車證. 啟用後, 我們即登上往柏林的長途火車.

上了火車, 仍然有問題. 我們根本唔知, 邊啲位坐得, 邊啲位唔錯得, 因為有啲位是比人訂座了, 有啲卻沒有, 而我們這兩傻, 卻未能察覺從何得知. 當然後來我們知道, 座位上原來有一小燈, 著了代表已訂座, 唔著代表無訂座.

我們坐在一個廂座內, 有德國的一家大小, 和一個英國女人, 面對不熟悉的人, 氣氛有些尷尬. 英國女人帶虛偽的笑容, 令人不習慣. 窗外景色不太好, 總是蒙蒙濃濃.

坐了三個幾小時火車, 要在中部地市漢諾威轉車, 沒有遇上大困難. 這都是我們多次旅程訓練出來的應變能力.

坐多兩個多小時火車, 終於到達德國首都: 柏林.

一出火車站, 隨即轉地鐵去SIEMANDAM站. 我們就住在站旁邊的MERCURE酒店, 旁邊是德國西門子的辦公室.

在酒店安頓好後, 出去食少少嘢, 就開始今日的行程: 看足球賽.

事前我們知道, 今日有一場德國聯賽在柏林舉行: 哈化柏林 VS 多蒙特. 我們不知道有沒有票, 但即管去碰一碰運氣.

坐地鐵到達柏林奧林匹克運動場, 沿途好多叫嚷高歌的球迷, 好有氣氛.

這個球場是1930年代希特拉為舉行柏行奧運而蓋的, 非常宏偉, 可坐超過80000人

我們兩傻因為不懂德文, 在球場周圍轉來轉去, 才找到售票的窗口. 沿途有人向我們原價兜售門票, 但為免被騙, 還是免了.

今日入場人數七萬九千幾人, 場面熱鬧, 但秩序良好. 門票價格約三百幾蚊港幣, 對號入座, 算是便宜了.



哈化柏林是當時聯賽帶頭的球隊, 但結果 1-3 不敵多蒙特.



睇完球賽, 開開心心坐地鐵走, 七萬幾人好快疏散晒, 因為, 在德國, 有足球賽的日子, 球迷坐車來回球場是不用買票了, 省了買票的時間.

晚上吃過簡單的晚餐就返回酒店, 我們第一日的德國體驗, 就完成了.

2009年4月3日 星期五

兩傻闖德國: Day 1: 台北

四月三日的下午, 我才啱啱放工, 和同事講完拜拜, 就坐車直奔赤臘角機場.

因為今晚就坐夜機, 展開我第一次的歐洲旅程. 因為係人生第一次, 所以起行前都有點緊張, 特別係德國的天氣, 臨行前一個星期, 每天都上網睇天氣, 大雨? 落雪? 零下5度的天氣.... Mm... 呢啲資料都令我好頭痛, 究竟帶咩服飾會比較適合呢? 最後, 於起程前一晚隨隨便便帶幾件衫便算.

晚上七點幾, 我們先坐飛機在台北稍作停留, 然後深夜就轉飛德國最大的國際機場: 法蘭克福國際機場.