北京火車之旅: Day 7: 回家

回家了.
早上坐的士去西單, 轉機場巴士, 不知為什麼, 不利用行李倉, 要讓行李阻塞通道.
不足一小時就到機場, 大把時間.

在機場又吃KFC.
飛機約一點半起飛, 四點半到深圳.


攞完行李立即有巴士返香港, 六點半回到家, 比預算中早.

北京火車之旅: Day 6: 蘇聯日

今日終於也沒有去長城.

早上去了北京展覽館, 五十年代蘇聯式建築. 我們在旁邊的莫斯科餐廳進膳, 儘管食物也許不太美味, 而且價格高昂, 但氣派華麗, 香港難見.

旁邊的北京動物園, 是清代建築, 大門設計獨特, 但我們沒有太大興趣入內參觀.

下午到雍和宮; 雍和宮曾是雍正帝未登基前的住所, 後來改為喇嘛廟.

過一條馬路, 有國子監和孔廟. 但還是不值得花錢.

之後去琉璃廠一帶的古董字畫街遊覽, 還去了和平門菜市場.

晚上坐地鉄去公主墳站, 終於找到基輔餐廳.
這是一間烏克蘭餐廳: 真是精彩! 食物還是其次, 但有一大班烏克蘭歌唱家獻唱烏克蘭民歌和革命歌曲, 香港是找不到這種餐廳和氣氛. 我們一坐下, 已有烏克蘭人向我們獻唱.

這真是全程最精彩的一幕.

晚上去後海飲嘢, 買了些T恤和紀念火柴. 到十二點才坐的士回酒店.

北京火車之旅: Day 5: 雨中的頤和園

今日最倒楣.
早上草草吃了個難吃的京式炸醬麵, 從前門坐690號巴士去頤和園.
陰天, 氣溫急降, 還下起雨來.

繞著昆明湖走一圈, 全身濕透, 不能再硬頸, 只有用20元買兩把遮.
萬壽山, 德和園都未去, 已經5點. 只有走了.


上690號巴士離開, 啲大陸人鬆晒踭爭上車, 唉.........
只是一場雨, 足令北京交通大混亂. 坐成個幾兩個鐘先去到市郊的五道口, 在十字路口塞死. 巴士司機唯有開門放晒啲人, 於是行去搭地鉄. 有得轉地鉄算是好彩.


全身濕透, 都係返酒店換衫.
之後去SOGO超市買嘢, 買了些四川醬料和SNACK.
再在酒店附近吃家常菜. 木須肉孜然牛肉担担麵, 不錯而且抵食.

北京火車之旅: Day 4: 老舍茶館

早上去毛主席紀念堂, 入場唔使比錢, 但寄存要錢, 都唔知咩理由.


寄存處又是亂打尖, 唉......


毛澤東條屍像個發光體, 係真係假都唔知.


之後去故宮. 比想像中快行完. 景山公園只在對面, 但無入去, 寧願行去王府井食嘢, 沿五四大街, 經過紅樓和首都劇場.

去了東來順, 價格昂貴, 除了個麻醬之外, 也沒什麼特別.

食飽咗去老舍茶館買今晚表演的票.


中間有空檔, 回酒店附近行SOGO和WALMART, 都無特別.


晚上去老舍茶館, 這是一個各種京式表演大雜會, 又有茶飲, 又有小食, 但和老舍沒大關係的茶館: 表演都好好睇, 有魔術, 京劇, 手影, 舞蹈, 雜技, 功夫, 茶藝大雜會, 氣氛不錯.

北京火車之旅: Day 3: 天壇

早上去天壇附近無咩嘢食, 要食昂貴又難吃的KFC.

去完天壇, 到附近食北京填鴨, 唔係好好食但也不貴.

再去紅橋市場, 乏善足陳呃鬼佬, 只是賣一些劣質貨品.

之後行去大柵欄, 是明代開始的中個商業區, 點知已經拆咗. 將來又會是一條步行街.

晚上去東直門, 有名的簋街, 是本地有名的食街, 但其實都很普通; 我們找了一家新疆嘢, 味道OK.

北京火車之旅: Day 2: 王府井

下午三點幾到北京西站, 坐的士去宣武門區的速8酒店, 房有些煙味, 勝在平, 人民幣198一晚.


未天黑, 還可以出來行下.


酒店附近有一間天主堂.



坐地鐵去到國家大劇院, 想看意大利歌劇圖蘭朵, 但沒有票.


去天安門廣場, 要查袋, 也許因為奧運, 保安加強了.


遇上降國旗禮要封路, 只有睇完先去王府井.


王府井也沒什麼好逛的, 只有一些港式商場, 都是香港人投資, 熟口熟面.



晚上在東華門吃小食, 吃了爆肚, 冰糖水果, 串燒燒羊肶, 甜品, 担担麵.......


走的時候, 大大個地鐵王府井站竟然見唔到, 行咗十幾分鐘寃枉路去東單站.

北京火車之旅: Day 1: 火車上

下午從紅磡火車站登上京九列車. 包廂的感覺真真不錯.


成晚無特別嘢做, 反正有些唔舒服.

可以做下MASK, 可以試下餐卡. 可以沖杯熱飲食下零食, 又有獨立洗手間, 真係唔錯.


餐卡的價格還可接受, 只是有煙味
.

這叫悠閒. 有些人可能覺得無聊.